وروستۍ خبرتياوې

تعرفې کمېټې اوومه ناسته جوړه شوه
3 قوس 1401

د تعرفې کمېټې ناسته د ګمرکونو او عوایدو معین ښاغلي ملا محمد ناصر اخند په مشرۍ نن د یاد معینیت د غونډو په تالار کې جوړه شوه.
په دې ناسته کې د تعرفې کمېټې غړو تر څنګ د ګمرکونو لوی رئیس ښاغلي مفتي عبدالمتین سعید، د مالیې وزارت مقام سلاکار ښاغلي خلیل صالحزاده د ګمرکونو لوی ریاست تخنیکي او حمایوي مرستیال او یو شمېر رئیسانو ګډون کړې وو.
افغانستان د سيمې هيوادونو د وصل په نقطې بدليږي
23 عقرب 1401
د ګمرکونو لوی ریاست خبرتیا
18 عقرب 1401

په دې وروستیو کې د ګمرکونو لوی ریاست له ادرس څخه په ټولنیزو پاڼو کې د ترانزیټي او ري ایکسپورټ اموالو یو لیست لاس په لاس کیږي، د ګمرکونو لوی ریاست یاد لیست جعلي او له حقیقت څخه لرې بولي.
د ګمرکونو د وضعیت ارزونې په موخه تخنیکي ناسته جوړه شوه
16 عقرب 1401

د ګمرکونو د وضعیت ارزونې په موخه تخنیکي ناسته، د مالیې وزارت د ګمرکونو لوی رئیس ښاغلي مفتي عبدالمتین سعید په مشرۍ، چې د ګمرکونو لوی ریاست مرستیالانو، یو شمېر رئیسانو او د ولایتي ګمرکونو مسؤلینو هم په کې ګډون درلود؛ د ګمرکونو او عوایدو معینیت د غونډو په تالار کې جوړه شوه.
د غونډې په پیل کې د ګمرکونو لوی رئیس ګډونوالو ته د ښه راغلاست تر څنګ د ولایتي ګمرکونو مسؤلینو ته سپارښتنه وکړه چې په ګمرکونو کې د سوداګریزو مالونو د چټک طی مراحلو په موخه کاري وخت زیات کړي. نوموړي د داسې ناستو جوړول د شته ستونزو د حل لپاره اړینې یادې کړې او له ګډونوالو څخه یې غوښتنه وکړه چې په ولایتي ګمرکونو کې شته ستونزې شریکې کړي څو د حل لپاره یې لازم اقدامات وشي.
د نیمروز په ګمرک کې ۶۰ ټنه تاریخ تېر خوراکي او غیر خوراکي توکي وسوځول شول
14 عقرب 1401

د نیمروز په ګمرک کې شاوخوا ۶۰ ټنه تاریخ تېر درمل، چاکلیټ، عطر او داسې نور خوراکي او غیر خوراکي توکي د ټاکل شوي پلاوي پر وړاندې وسوځول شول.
د نیمروز یو شمېر کارکونکو ته د اسیکوډا له سیستم سره د بلدتیا په موخه روزنه ورکړل شوه
11 عقرب 1401

د نیمروز ګمرک یو شمېر تازه ګمارل شویو کارکونکو ته د اسیکوډا سیستم سره د بلدتیا په موخه د اسیکوډا سیستم د متخصصینو له لوري په جوړي شوي ورکشاپ کې تخنیکي او عملي روزنه ورکړل شوه.
د مالیې وزارت د کورنۍ پلټنې لوی ریاست له لوري د ګمرکونو لوی ریاست ته په سپارل شویو سپارښتنو بحث وشو
9 عقرب 1401

د ګمرکونو لوی ریاست تخنیکي او حمایوي مرستیال ښاغلي خانزاده عبدالله تېره ورځ د ګمرکونو عوایدو معینیت د غونډو په تالار کې د مالیې وزارت د کورنۍ پلټنې لوی رئیس ښاغلي انجینر عبداللطیف خالد سره وکتل.
د اقینې او تورخم ګمرکونو یو شمېر کارکونکو ته د اسیکوډا له سیستم سره د بلدتیا په موخه روزنه ورکړل شوه
6 عقرب 1401

د اقینې او تورخم سرحدي ګمرکونو یو شمېر تازه ګمارل شویو کارکونکو ته د اسیکوډا سیستم سره د بلدتیا په موخه د اسیکوډا سیستم د متخصصینو له لوري په جوړي شوي ورکشاپ کې تخنیکي او عملي روزنه ورکړل شوه.
په لومړي ځل د ډنډپټان په ګمرک کې د صادراتي توکو لپاره انالوګ تله فعاله شوه
6 عقرب 1401

د مالیې وزارت د ګمرکونو لوی ریاست په لومړي ځل د پکتیا ولایت د ډنډپټان په ګمرک کې د صادراتي توکو لپاره انالوګ تله فعاله او ګټې اخیستنې ته وسپارله.
د روان کال په لومړیو شپږو میاشتو کې د کندهار ګمرک د عوایدو راټولولو وضعیت
5 عقرب 1401