افغانستان د سيمې هيوادونو د وصل په نقطې بدليږي

د مالیې وزارت د ګمرکونو لوی رياست له لوري په ګمرکونو کې سوداګرو ته د اسانتیاوو په برابرولو، د کاري ساعتونو په زیاتېدلو، د بهرني ترانزیټ زماني مودې په زیاتېدو او په هيواد کې د سراسري امنیت په پایله کې د افغانستان له خاورې څخه په بهرني ترانزیټ کې د تېرو کلونو په پرتله د پام وړ زیاتوالی راغلی.
1. په  ۱۳۹۹ هـ ل کال په لومړیو ۷ میاشتو کې د افغانستان له خاروې څخه (۲۴۸۹) ترانزيټي محمولې تیرې شوي دي چې (۷۸۳۴۴) ټنه وزن يې درلود.
2. په ۱۴۰۰ هـ ل کال په لومړیو ۷ میاشتو کې د افغانستان له خاروې څخه (۷۳۱۷) ترانزيټي محمولې تیرې شوي چې (۲۲۹۰۱۶ ) ټنه وزن يې درلوده، چې د ۱۳۹۹ کال په پرتله ۱۹۴ سلنه زیاتوالی ښیي.
3. په ۱۴۰۱ هـ ل کال په لومړیو ۷ میاشتو کې د افغانستان له خاورې څخه (۲۶۹۸۰) محمولې تیرې شوي چې (۹۱۳۶۴۴) ټنه وزن يې درلود او د تير کال پر پرتله ۲۶۹ سلنه په محمولو کې زیاتوالی او ۲۹۹ سلنه په وزن کې زیاتوالی ښيي. 
د یادونې وړ ده چې پورته ذکر شوي ټرانزيټي اموال بېلابیلو هيوادونو ته لیږدول شوي چې ستره برخه یې پاکستان، تاجکستان او ازبکستان هيوادونه دي.