د ګمرکونو لوی رئیس د ننګرهار ګمرک له چارو څخه لیدنه وکړه

د ګمرکونو لوی رئیس ښاغلي مفتي عبدالمتین سعید او د دې ریاست عملیاتي مرستیال ښاغلي نقیب الله عابد، تېره ورځ ننګرهار ولایت ته رسمي سفر وکړ او هلته یې د یاد ولایت د ګمرک د چارو د ارزونې تر څنګ له یو شمېر سوداګرو سره هم ولیدل.
د ګمرکونو لوی رئیس د ننګرهار ولایت د سوداګرۍ خونې له مسؤلینو او یو شمېر سوداګرو سره په لیدنه کې د سوداګرۍ په برخه کې د دوی شته ستونزې واوریدلی، نوموړي د دوی اکثره ستونزو ته رسیدنه وکړه او د پاتې نور ستونزو د  ژر حل کیدو ډاډ ورکړل شو.
همدارنګه یاد پلاوي تورخم ګمرک ته هم سفر وکړ او هلته یې د یاد ګمرک چارې له نږدې څخه و ارزولې او کارکونکي یې په اړوندو چارو کې لا ښه خدمت کولو ته وهڅول.
د یادونې وړ ده، چې د ګمرکونو لوی رئیس بېلابیلو ګمرکونو ته سفرونه کوي، څو د ګمرکونو د ورځنیو چارو د ارزونې تر څنګ د سوداګرو ستونزې له نږدې واوري او ورته رسیدنه وکړي.