د کابل ګمرک لپاره نوی تخنیکي امر معرفي شو

ښاغلی نعمت الله همت چې د ګمرکونو لوی ریاست په وړاندیز او د مالیې وزارت مقام په منطورۍ د کابل ګمرک د تخنیکي امر په توګه ټاکل شوې، نن د ګمرکونو لوی ریاست د عملیاتي مرستیال ښاغلي نقیب الله عابد له لوري د یاد ګمرک کارکونکو ته ور وپیژندل شو.
په دې پیژندغونډه کې چې د کابل ګمرک رئیس او د یاد ګمرک یو شمېر کارکونکو ګډون کړې وو، د ګمرکونو لوی ریاست عملیاتي مرستیال نوي ټاکل شوي امر ته په اړوندو چارو کې د بریالیتوب هیله وکړه او د کابل ګمرک همکارانو ته یې سپارښتنه ورکړه چې له نوموړي سره په اړوندو چارو کې هر اړخیزه همکاري وکړي.
د یادونې وړ ده چې ښاغلی نعمت الله همت د افغانستان اسلامي امارت د اقتصادي کمېسیون غړی پاتې شوې او په تېرو دو کلونو کې یې په بېلابیلو ګمرکونو کې په بېلابیلو بستونو دندې تر سره کړې دي.