د سپین بولدک په سرحدي ګمرک کې د ۲.۳ ټنه المونیمي خښتو له قاچاق څخه مخنیوی وشو

د سپین بولدک سرحدي ګمرک منسوبینو تېره ورځ په یوې صادراتي محموله کې د ۶۵ المونیمي خښتو چې مجموعي وزن یې ۲.۳ ټنه کیږي، له قاچاق څخه مخنیوی وکړ.
یادې المونیمي خښتې چې په ډیر مهارت سره د بار وړونکي موټر د تیلو په ټانکۍ کې ځای پر ځای شوې وې او غوښتل یې پاکستان هیواد ته یې قاچاق کړي.
د یادونې وړ ده چې د افغانستان اسلامي امارت د رهبرۍ په هدایت له صنعتي فابریکو څخه د ملاتړ په موخه له هیواد څخه د هر ډول اوسپنو، المونیمو او داسې نورو نور فلزاتو چې په کورنیو فابریکو کې ترې کار اخیستل کیږي، صادرول یې په مطلق ډول بند دي.