د هیواد په سرحدي ګمرکونو کې په ټولو خالي افغاني موټرو خاک پولي معاف شوه

279.jpg

18 جوزا 1402

د ګمرکونو لوی ریاست په وړاندیز او د مالیې وزارت مقام په منظورۍ په هیواد کې د سوداګرۍ د لا پراختیا او سوداګرو ته د اسانتیا رامنځته کولو په موخه د هیواد په ټولو سرحدي ګمرکونو کې په خالي افغاني موټرو خاک پولي معاف شوه.
له دې وړاندې له داخلي ثبت شویو لارۍ موټرو څخه بندر ته د داخلیدو په وخت کې ۲۵۰۰ افغانۍ او له وړو موټرو څخه ۱۵۰۰ افغانۍ د خاک پولي په نوم اخیستل کیدې، چې د موټر چلونکو د غوښتنې له مخې یادې پیسې معاف شوې.
د یادونې وړ ده د ګمرکونو لوی ریاست په دې هڅه کې ده چې په هیواد کې د سواګرۍ د لا پراختیا او ودې په موخه د سوداګرو او ټولو هیوادوالو اصولي او قانوني غوښتنې ومني.