د پکتیا ګمرګ منسوبینو د یو شمېر نظامي تجهیزاتو له قاچاق څخه مخنیوی وکړ
14 حوت 1401
د پکتیا ګمرک د تشریح برخې منسوبینو تېره ورځ د یوې وارداتي محمولې د پلټنې پر مهال یو شمېر نظامي تجهیزات چې په ډیر مهارت سره ځای پر ځای شوي وو، کشف او ونیول.
په دې نظامي تجهیزاتو کې درې کارتنه د کلاشینکوف ډول اسلحې قنداغونه او قبضې، ۳۳ دانې بېلابیل ډول نظامي دوربینونه، ۸۰ دانې چانټې، یو شمېرد M4 ډوله اسلحې پایې او جرۍ، نظامي چړې او داسې نور تجهیزات شامل دي.
په دې تور د ډریور په ګډون درې کسان نیول شوي چې د نورو څیړنو لپاره امنیتي ارګانونو ته سپارل شوي دي.