د شیخ ابو نصر فراهي له سرحدي ګمرک څخه د فراه ولایت مرکز ته د لیږد فورم څانګه انتقال شوه

د سوداګرو په غوښتنه، د فراه ګمرک په وړاندیز او د ګمرکونو لوی ریاست په منظورۍ سوداګرو ته د اسانتیا رامنځته کولو په موخه د شیخ ابونصر فراهي له سرحدي ګمرک څخه د لیږد فورم څانګه د فراه ولایت مرکز ته انتقال شوه. 
د دې څانګې له انتقال سره به سوداګرو د لیږد فورم تر لاسه کولو په برخه کې زیاتې اسانتیاوې رامنځته شي، چې له دې وړاندې د لارې د اوږدو له امله سوداګرو ته د یاد فورم تر لاسه کول خورا ستونزمن وو.
د یادونې وړ ده چې د ګمرکونو لوی ریاست په دې هڅه کې ده چې په ګمرکونو کې سوداګرو ته لا ډیرې اسانتیاوې برابرې کړي او امکاناتو ته په کتو سره د ټولې اصولي غوښتنې ومني.