د ګمرکونو لوی رﺉيس کندهار ولایت ته د خپل رسمي سفر په لړ کې د کندهار له والي سره وکتل

د ګمرکونو لوی رﺉیس ښاغلي مفتي عبدالمتین سعید چې د یو پلاوي په مشرۍ د کندهار ګمرک د چارو ارزونې په موخه یاد ولایت ته په رسمي سفر تللی، تېره ورځ يې د کندهار له والي ښاغلي حاجي وفا صاحب سره وکتل.
په دې لیدنه کې چې د کندهار ګمرک رﺉیس هم شتون درلود، د کندهار والي ورغلي پلاوي ته د ښه راغلاست ترڅنګ په خپل وخت سره د سوداګرو ستونزو ته د رسیدنې او غوره ګمرکي فعالیتونو په برخه کې د کندهار ګمرک ستاینه وکړه.
همداشان دواړو لوریو د یاد ولایت دګمرک په عصري کولو، د سوداګرو ستونزو ته د رسیدنې او دوی ته د لا اسانتیا په رامنځته کولو بحث او د نظرونو تبادله وکړه.