د هوایي کارګوګانو له لاري د وارداتو او صادراتو کچه لوړه سوې

د مالیې وزارت له لوري په ګمرکونو کي د روڼتیا او سوداګرو ته د ښو اسانتیاوو د رامنځته کولو په پایله کي د هوایي کارګوګانو له لاري د وارداتو او صادراتو کچه د پام وړ زیاته سوې ده.
په تیرو ۱۵ میاشتو (د ۱۴۰۰هـ.ل کال د چنګاښ له پیل تر لړم میاشتي) پوري د هوایي کارګوګانو له لاري د وارد سوو توکو ګمرکي ارزښت ۷ میلیارډه او ۸۰۰ میلیونه افغانیو ته رسیږي، چي له درکه یې ۹۵۴ میلیونه افغانۍ عواید ترلاسه سوي دي.
همدغه راز په یاده موده کي د هوایي کارګوګانو له لاري ۴ میلیارډه او ۳۰۰ میلیونه افغانیو په ارزښت صادرات ترسره سوي، چي له درکه یې ۱۱ میلیونه افغانۍ عواید ترلاسه سوي دي.