د حیرتانو په ګمرک کې جامع جومات پرانېستل شو

د حیرتانو په ګمرک کې یو ستر جامع جومات چې څلور میاشتې وړاندې یې د بنسټ ډبره ایښودل شوې وه، د یو لړ مراسمو په ترڅ کې د لمونځ کوونکو پر مخ پرانېستل شو.
د پرانېستې په دې مراسمو کې د بلخ ګمرک رئیس ښاغلي مولوي صفر محمد سحر او د یو شمېر سېمه ایزو ادارو مسؤلینو ګډون کړې وو.
په دې جومات کې چې د لمونځ کوونکو لپاره ټولې اسانتیاوي برابرې شوي، په یو وخت کې (۴۰۰) سوه لمونځ کوونکي ځایولای شي.
 د یادونې وړ ده چې پر یاد جومات شاوخوا پنځه میلیونه افغانۍ لګښت راغلی، چي بودیجه یې د مالیې وزارت د داخلي بودیجې او یو شمېر سوداګرو له لوري تمویل شوې.