د ګمرکونو لوی رئیس د فراه ولایت د یو شمېر سوداګرو ستونزې واوریدې

د ګمرکونو لوی رئیس د فراه ولایت د یو شمېر سوداګرو ستونزې واوریدې

د ګمرکونو لوی رئیس ښاغلي مفتي عبدالمتین سعید چې د فراه ګمرک د ارزونې په موخه یاد ولایت ته په رسمي سفر تللی، تېره ورځ یي د فراه ولایت له یو شمېر سوداګرو سره وکتل.
په دې کتنه چې د رئیس الوزرا د اقتصادي مرستیال سلاکار ښاغلي حاجي ابراهیم حکمت هم شتون درلود، په پیل کې د فراه ولایت د سوداګرۍ خونې رئیس ښاغلي حاجي دین محمد خبرې وکړې او راغلي پلاوي ته یي د ښه راغلاست تر څنګ د سوداګرو یو شمیرې شته ستونزې شریکې کړې.
د ګمرکونو لوی رئیس د دوی د ستونزو له اوریدو وروسته ډاډ ورکړ چې شته امکاناتو او نافذه قوانینو ته په کتو سره به د دوی ستونزې حل کړي.