د ګمرکي عوایدو د لومړیو شپږو میاشتو ارزونه وشوه
22 سنبله 1401
د ګمرکي عوایدو د لومړیو شپږو میاشتو ارزونه وشوه
د ګمرکونو لوی رئیس ښاغلي مفتي عبدالمتین سعید په مشرۍ ناستې نن د ګمرکونو او عوایدو معینیت د غونډو په تالار کې د روان کال په لومړیو شپږو میاشتو کې د ګمرکي عوایدو ارزونه وکړه او د راتلونکو شپږو میاشتو لپاره یي د هر ګمرک په تفکیک سره د عوایدو راټولیدو هدف وټاکه.
په دې ناسته کې د مالیې وزارت د مالي پالیسۍ او لوی اقتصاد لوی ریاست سرپرست ښاغلي حسین الله احمدزي، د مالیې وزارت مقام سلاکار ښاغلي خلیل صالحزاده، د ګمرکونو لوی ریاست مرستیالانو او یو شمېر رئیسانو ګډون کړې و.
د یادونې وړ ده چې هر کال په ګمرکونو کې د لومړیو شپږو میاشتو د صادراتو او وارداتو حجم او د تر لاسه شویو عوایدو ارزونه کیږي او په همدې اساس د راتلونکو شپږو میاشتو لپاره د عوایدو راټولیدو هدف ټاکل کیږي.