د افغانستان له خاورې د ډبرو سکرو په ترانزیټ بحث او خبرې وشوې
15 سرطان 1401
د افغانستان له خاورې د ډبرو سکرو په ترانزیټ بحث او خبرې وشوې
د ګمرکونو لوی ریاست سرپرست ښاغلي مفتي عبدالمتین سعید نن د افغانستان د سوداګرۍ او پانګونې خونې له لومړي مرستیال ښاغلي محمد یونس مهمند او د یادې خونې د مدیره پلاوي له غړي ښاغلي خان جان الکوزي سره د ګمرکونو او عوایدو معینیت د غونډو په تالار کې وکتل.
په دې کتنه کې چې د ګمرکونو لوی ریاست تخنیکي او حمایوي مرستیال ښاغلي خانزاده عبدالله، یو شمېر رئیسانو او د افغانستان له خاورې د ډبرو سکرو او بورې ترانزیټ کونکو شرکتونو استازو هم ګډون کړی و، دواړو لوریو د افغانستان له خاورې د ډبرو سکرو او بورې په ترانزیټ، په دې برخه کې د لا اسانتیاو په رامنځته کیدو، شته ستونزو او حل لارو هر اړخیزې خبرې وکړې او په اړه یې لازمې پریکړې وشوې.