په ننګرهار ګمرک کې تر تاریخ تېر چپس ونیول سول

تېره ورځ د ننګرهار ولایت د ګمرک ویښو مسؤلینو په یوه موټر کې تر وخت تېر بوتلي چپس کشف او نیولي دي. دغه چپس چې شمېر ئې ۷۰ کارتنو ته رسېږي د ننګرهار ولایت له مارکو څخه په قاچاقي ډول کابل ته لېږدول کېدل، چي د دې ولایت د ګمرک د امنیتي مفرزې د مسؤلینو له لوري ونیول سول، د مسؤلینو په خبره قاچاق وړونکي ئې له قاچاق سره د مبارزې د برخي اړوندو ادارو ته د پوښتنو او ګروېږنو په موخه سپارلي دي.
د یادوني وړده چې د قاچاقي توکو د لېږد را لېږد دا لومړۍ پېښنه نه ده، بلکي وخت نا وخته د قاچاق وړونکو له لوري هیواد ته تر تاریخ تېر او بې کیفیته توکي را قاچاق کېږي، چي په دې برخه کي امنیتي او د ګمرکونو مسؤلین بیدار او په پوره ایماندارۍ د دا ډول پېښو مخنیوی کوي او مجرمین د قانون منګلو ته سپاري.