د ګمرکونو لوی ریاست تخنیکي او حمایوي مرستیال او د حمایت او پراختیا ریاست لپاره نوی سرپرست رئیس معرفي شول

د ګمرکونو لوی ریاست تخنیکي او حمایوي مرستیال او د حمایت او پراختیا ریاست لپاره نوی سرپرست رئیس معرفي شول
د مرغومي ۱۳مه ۱۴۰۰ ه.ل/د جمادي الاول ۲۹ مه ۱۴۴۳ه.ق
د مالیې وزارت مقام د حکم له مخې ښاغلی خانزاده عبدالله د ګمرکونو لوی ریاست د تخنیکي او حمایوي مرستیال، ښاغلی محمد موسی عمر د حمایت او پراختیا ریاست د سرپرست  او ښاغلی رحیم الله حذیفه د ګمرکونو او عوایدو معینیت د همغږۍ آمر په توګه تېره ورځ د ګمرکونو او عوایدو معین ښاغلي حاجي ملا محمد ناصر اخوند له لوري  اړوندو کارکونکو ته ور وپیژندل شول. 
په دې پیژندغونډه کې د مالیې وزارت مقام دفتر لوی رئیس ښاغلي انجینر سلطان زبیر، د عوایدو لوی رئیس ښاغلي معراج محمد معراج، د ګمرکونو او عوایدو په چارو کې د مالیې وزارت مقام سلاکار ښاغلي اسدالله ساجد (خبیب)، د ګمرکونو لوی ریاست عملیاتي مرستیال ښاغلي محمد عمر مومند، یو شمېر رئیسانو، امرینو او کارکونکو ګډون کړی و.
د ګمرکونو او عوایدو معین نویو ګمارل شویو مسؤلینو ته د مبارکۍ تر څنګ دوی ته په ورسپارل شویو چارو کې د بریالیتوب غوښتنه وکړه او دوی ته یي سپارښتنه وکړه چې اړوندې چارې په پوره صداقت او ایماندارۍ سره تر سره کړي.