د ننګرهار، تورخم او بلخ ګمرکونو مسؤلینو ته د ګمرکي پروسو الکترونیکي کولو په اړه پریزنټیشن ورکړل شو
2 اسد 1400
د ګمرکونو د سیستمونو ریاست نن د زمري میاشتې په ۲ مه نېټه د ننګرهار، تورخم او بلخ ګمرکونو مسؤلینو ته په الکترونيکي ډول په سرحدي ګمرکونو کې د T1 طی مراحلو، په محصولي ګمرکونو کې د سوداګریزو توکو د طی مراحلو او ګمرکي اظهارلیکونو په اړه معلوماتي پریزنټیشن ورکړل.
همداشان د یادو ګمرکونو مسؤلینو د ګمرکي پروسو الکترونیکي کولو په اړه خپل نظرونه او وړاندیزونه هم شریک کړل.
د یادونې وړ ده چې د یادو پروسو په الکترونيکي کولو سره به په ګمرکونو کې د فساد مخنیوي تر څنګ د توکو طی مراحلو پروسه چټکه شي او سوداګر کولی شي چې د خپل یوزر له لارې د خپلو توکو طی مراحل تعقیب کړي.