د ګمرکونو لوی ریاست اداري ناسته جوړه شوه

د ګمرکونو لوی ریاست اداري ناسته د غبرګولي میاشتې په ۳ مه نېټه د ګمرکونو عمومي رئیسې اغلی امنه احمدي، په مشرۍ د ګمرکونو او عوایدو معینیت د غونډو په تالار کې جوړه شوه.

په دې ناسته کې چې د ګمرکونو لوی ریاست مرستیالانو، رئیسانو او امرینو ګډون کړی و، د شکایتونو ثبتولو لپاره د نوي سیستم (کال سنټر) په جوړیدو، د یاد ریاست په راتلوونکو پلانونو، په ګمرکونو کې د کمیشنکارۍ پروسې په لغو کولو او د اسیکوډا په سیستم کې د سوداګریزو شرکتونو لپاره د یوزر په جوړولو، په ګمرکونو کې د میز کمک د کار په څرنګوالي، د خوست ولایت په نوي جوړ شوي هوایې ډګر کې د ګمرک په جوړولو، په ګمرکونو کې د بلټي توکو په ۱۰۰ سلنې تشریح او یو شمېر نورو اړوندو مسایلو په تړاو بحث او د نظرونو تبادله وشوه او اړه یې لازمې پریکړې وشوې.