د مالیې وزارت خبرتیا

ګرانو هیوادوالو ته خبر ورکول کېږي، چې د هیواد ټول ګمرکونه د توکو او سوداګریزو اقلامو د صادرولو او واردولو پر مخ پرانیستي دي او په دې برخه کې هیڅ راز ستونزه شتون نه لري. ملي سوداګر کولی شي د هیواد په ټولو ګمرکونو کې د خپلو توکو پړاوونه په نورمال ډول ترسره کړي.

په دې وروستیو کې د عمومي خلکو ترمنځ د ښارونو او د هیواد د سرحدي ګمرکونو د قرنطین کېدو اوازې خپرې شوې دي او په پایله کې یو شمېر هټیوالو د لومړنیو خوراکي توکو بیې لوړې کړي دي، چې د مالیې وزارت دغه مسئله په قاطعیت او کلکه ردوي او ګرانو هیوادوالو ته ډاډ ورکوي، چې یاده مسئله په هیڅ ډول حقیقت نه لري او ریښتینې نه ده.