د ګمرکونو او عوایدو معین د العزم قول اُردو له قومندان سره وکتل

د مالیې وزارت د ګمرکونو او عوایدو معین الحاج مفتي عبدالمتین سعید، چې په رسمي سفر کندهار ولایت ته تللی، هلته یې د فرعي ګمرکونو د مسئولینو په شتون کې د العزم قول اُردو له قومندان قاري محمد ایوب خالد سره وکتل. په دې کتنه کې دواړو لوریو د هیواد په پولو کې د قاچاقي توکو پر مخنیوي او په دې برخه کې د همغږۍ په لا زیاتولو هر اړخیز بحث او خبرې وکړې. د لیدنې په پای کې د العزم قول اُردو قومندان د قاچاقي توکو د مخنیوي په برخه کې د هر ډول همکارۍ او پوره همغږۍ ډاډ ورکړ. د یادونې وړ ده، چې اوس مهال د هیواد په ټولو ګمرکونو او لویو لارو کې وارداتي او صادراتي توکي په کلکه څارل کېږي او هیچاته اجازه نه ورکول کېږي، چې قاچاقي او ممنوعه توکي ولېږدوي.