د سپین بولدک په ګمرک کې (۲۳۵۰) کارټنه قاچاقي او بې کیفیته درمل وسوځول شول

 د کندهار ولایت د سپین بولدک په ګمرک کې (۲۳۵۰) کارټنه د خورا ښکته کیفیته لرونکي درمل، چې په قاچاقي لارو افغانستان ته راوړل شوي ول، د محکمې د حکم له مخې د کندهار ولایت د بېلابېلو اړوندو ادارو د با صلاحیته استازو په حضور کې وسوځول شول. د یادو درملو زیاته برخه د سپین بولدک ګمرک د کارکوونکو او یوه اندازه نور یې د اړوندو امنیتي ادارو له لوري نیول شوي ول. د یادونې وړ ده، چې اوس مهال د هیواد په ټولو ګمرکونو او لویو لارو کې وارداتي او صادراتي توکي په کلکه څارل کېږي او هیچاته اجازه نه ورکول کېږي، چې قاچاقي او ممنوعه توکي ولېږدوي.