د هرات ولایت د اسلام کلا په سرحدي کې د باران اوبو له امله د تخریب شویو ساحو د بیا رغونې چارې پیل شوې

د مالیې وزارت د ګمرکونو لوی ریاست، د هرات ولایت مقام او د ټولګټو وزارت په همغږۍ د هرات ولایت د اسلام کلا سرحدي ګمرک، چې په وروستیو اورښتونو کې یې ځینې ساحې تخریب شوې وې، وړمه ورځ یې د بیا رغولو چارې پیل شوې. یادې تخریب شوې ساحې د اسلام کلا ګمرک د موټرونو په تم ځای او د ګمرک د سړکونو ځینې برخې وې، چې سوداګرو او موټر چلونکو ته یې ستونزې جوړې کړې وې. د یادونې وړ ده، چې د ګمرکونو لوی ریاست رهبري تل هڅه وکوي، چې په ګمرکونو کې د سوداګرو ستونزو ته پر خپل وخت رسیدنه وکړي تر څو د سوداګرۍ بهیر له خنډ او ځنډ سره مخ نشي.