د ننګرهار ګمرک ریاست لپاره نوی رئیس معرفي شو

د مالیې وزارت په وړاندیز او د ا.ا.ا د ریاست الوزراء لوړ مقام په منظورۍ حافظ شاه حسین حسیني، چې د ننګرهار ګمرک لپاره د نوي رئیس په توګه ټاکل شوی، نن د ګمرکونو او عوایدو معین الحاج مفتي عبدالمتین سعید له لوري، چې د ننګرهار ولایت د والي مرستیال هم شتون درلود د یاد ګمرک کارکوونکو ته ور وپیژندل شو. د ګمرکونو او عوایدو معین نوي ټاکل شوي رئیس ته په چارو کې د بریالیتوب هیله وکړه او د ننګرهار ګمرک کارکوونکو ته یې سپارښتنه وکړه، چې له نوي ټاکل شوي رئیس سره هر اړخیزه همکاري او همغږي وکړي. د ننګرهار ولایت د والي مرستیال هم په خپلو خبرو کې له نوي ټاکل شوي رئیس سره د هر اړخیزې همکارۍ ډاډ ورکړ. د یادونې وړ ده، چې حافظ شاه حسین حسیني له دې وړاندې د ګمرکونو او عوایدو معینیت اړوند د عوایدو لوی رئیس په توګه دنده تر سره کوله.