تېره اوونۍ د هیواد په بېلابېلو ولایتونو کې زیاته اندازه قاچاقي توکي نیول شوي دي

د ګمرکونو لوی ریاست د ګرځنده څارنې کارکوونکو تېره اوونۍ د فراه، کندهار، نیمروز، ننګرهار او هلمند ولایتونو په بېلابېلو سېمو کې په زیاته اندازه قاچاقي توکي نیولي دي، چې قاچاق کوونکو غوښتل له ګمرکي محصول پرته یې په قاچاقي ډول افغانستان ته وارد کړي. په دې نیول شویو توکو کې (۷۵۲۳) کیلو ګرامه چاکلیټ، (۱۹۱۱) کیلو ګرامه انساني طبي درمل، (۲۲۱۴) کیلو ګرامه زراعتي درمل، (۱۶۸۰) کیلو ګرامه ښیښه یې مردکۍ، (۱۱۱۰) کیلو ګرامه رُب، (۱۰۰۰) کیلو ګرامه شامپو، (۱۶۲۰) کیلو ګرامه تمباکو، (۱۱۰۰) کیلو ګرامه مالګه، (۲۵۶۵) کیلو ګرامه مۍ، (۸۷۵) کیلو ګرامه خام نخود، (۶۲۵) کیلو ګرامه وچې شیدې، (۵۲۰) کیلو ګرامه د دیګ مساله، (۲۴۰) کیلو ګرامه ژاولې، (۱۶۸) کیلو ګرامه مکروني او (۷۵) بسکوټ شامل دي. نیول شوي توکي او تورن کسان د نورو اجرااتو لپاره اړوندو ګمرکونو ته سپارل شوي دي.