تېره اوونۍ د هیواد په بېلابېلو ولایتونو کې یوه اندازه قاچاقي توکي نیول شوي دي

د ګمرکونو لوی ریاست د ګرځنده څارنې کارکوونکو تېره اوونۍ د فراه، کندهار او هلمند ولایتونو په بېلابېلو سېمو کې قاچاقي توکي نیولي دي، چې قاچاق کوونکو غوښتل له ګمرکي محصول پرته یې په قاچاقي ډول افغانستان ته وارد کړي. په دې نیول شویو توکو کې (۸۶۶۴) کیلو ګرامه انساني طبي درمل، (۱۳۲۳۴) کیلو ګرامه چاکلیټ، (۱۷۳۲۰) کیلو ګرامه رُب، (۶۴۰) کیلو ګرامه شامپو، (۷۲۰) کیلو ګرامه لوبیا، (۳۶۰) کیلو ګرامه پلاسټیک، (۲۹۰) کیلو ګرامه انرژي باب او (۲۴۰) کیلو ګرامه خوراکي مالګه شامله ده. نیول شوي توکي او تورن کسان د نورو اجرااتو لپاره اړوندو ګمرکونو ته سپارل شوي دي.