د اسلام کلا په ګمرک کې د (۱۴،۲) ټنه ممنوعه درملو د قاچاق مخه ونیول شوه!

د هرات ولایت د اسلام کلا سرحدي ګمرک ځیرکو کارکوونکو په یوه وارداتي محموله کې (۴۱۰۷) کارټنه د میټاډون په نوم ممنوعه درمل، چې ټولیز وزن یې (۱۴،۲) ټنه کېږي کشف او ونیول. یاد ممنوعه درمل په یوه وارداتي سوداګریزه محموله کې، چې مکروني پکښې بار ول، په ډېر مهارت سره ځای پر ځای شوي ول او غوښتل یې، چې په قاچاقي ډول یې افغانستان ته راوړي. د یادونې وړ ده، چې په دې تور دوه کسان نیول شوي او د نورو اجراآتو له پاره اړوندو امنیتي ارګانونو ته سپارل شوي دي.