د پکتیا ګمرک له پاره د لمریزې برېښنا سیسټم د جوړولو پروژه پیل شوه!

د مالیې وزارت د ګمرکونو لوی ریاست د (۸،۸) میلیونه افغانیو په ارزښت د پکتیا ګمرک له پاره د لمریزې برېښنا سیسټم د جوړولو پروژه پیل کړه. په داسې حال کې، چې د برېښنا اوسنی لګښت له جنراټور څخه دی او په منځني ډول د کال څه باندې (۲،۶) میلیونه افغانۍ د تېلو لګښت راځي، چې د دې سیسټم په جوړېدو سره به د برېښنا لګښت را کم او په ذکر شویو افغانیو کې به سپما را منځته شي. د یادولو ده، چې د یادې پروژې لګښت د مالیې وزارت له پراختیایي بودیجې څخه ورکول کېږي او چارې به یې د یوه افغاني شرکت له لوري په راتلونکو دوو میاشتو کې بشپړې شي.