د ۵۴ میلیونه افغانیو په ارزښت د نیمروز ولایت د بندر والۍ له پاره د موټرونو تمځای جوړېږي!

د مالیې وزارت د ګمرکونو لوی ریاست له لوري د (۵۴،۲) میلیونه افغانیو په ارزښت د نیمروز ګمرک اړوند د یاد ولایت د بندر والۍ له پاره د موټرونو تمځای د جوړولو پروژه نن د ګمرکونو او عوایدو معین الحاج مفتي عبدالمتین سعید او ولایتي مسؤلینو په شتون کې پیل شوه. 
د موټرونو دغه تمځای په شاوخوا (۴۷) جریبه ساحه کې په اساسي ډول جغل اچونه کیږي، چې په جوړېدو سره به یې د ګمرک کارکوونکو، سوداګرو او موټر چلوونکو ته په بېلابېلو برخو کې ګڼې اسانتیاوې برابرې شي.
د یادولو وړ ده، چې د یادې پروژې لګښت د مالیې وزارت له پراختیایي بودیجې څخه ورکول کېږي او چارې به یې د یوه افغاني شرکت له لوري تر راتلونکو شپږو میاشتو پورې بشپړې شي