د هرات ګمرک کارکوونکو ته له ګمرکي چارو سره د بلدتیا په موخه روزنیز پروګرام پیل شو!

د ګمرکونو او عوايدو ملي اکاډمۍ د روزونکو له لوري د ساحوي روزنیزو پروګرامونو په ترڅ کې د هرات ګمرک ریاست (۲۶) تنو کارکوونکو ته د ګمرکي مسایلو او قوانینو په اړه روزنیز پروګرام پیل شو. په دغه روزنیز پروګرام کې به د کارکوونکو د ظرفیت لوړونې په موخه په عملي او نظري ډول د ګمرکونو قانون، ګمرکي کړنلارو، ګمرکي بیې ټاکنې، تعرفې او ګمرکي اظهارلیکونو د ډکولو په اړه ګډونوالو ته روزنه ورکړل شي. یاد روزنیز پروګرام، چې یوه میاشت به دوام ولري ورسره به په اړوندو ګمرکي برخو کې د کارکوونکو وړتیاوې لوړې شي او په اړوندو چارو کې به لا ډېر ښه والی رامنځته شي.