د پکتیا ولایت د ډنډ پټان په ګمرک کې د دوو بابو هنګرونو د جوړیدو چارې (۹۰) سلنه پر مخ تللي دي

د ګمرکونو لوی ریاست د پکتیا ولایت د ډنډ پټان په ګمرک کې د شاوخوا (۳۴) میلیونه افغانیو په ارزښت د دوو بابو هنګرونو د جوړیدو چارې پیل کړي دي، چې تر دې مهاله د یادې پروژې چارې (۹۰) سلنه پر مخ تللي دي او پاتې چارې به یې هم ژر بشپړې شي.
د یادو هنګرونو په جوړیدو سره به د سوداګریزو توکو د خوندیتوب په برخه کې سوداګرو ته زیاتې اسانتیاوې برابرې شي.
همدا رنګه په یاد ګمرک کې د موټرو د تم ځای او احاطې دیوال د جوړیدو چارې هم په چټکۍ سره روانې دي.
د یادونې وړ ده، چې د یادو پروژو بودیجه د مالیې وزارت له پراختیایې بودیجې څخه ورکول کیږي او چارې یې هم د افغاني شرکتونو له لوري پر مخ وړل کیږي.