د هرات محصولي ګمرک د جومات او د دخولي او خروجي دروازو د بیارغونې چارې بشپړې شوې!

د مالیې وزارت د ګمرکونو لوی ریاست د شاوخوا (۷۰۰) زره افغانیو په ارزښت د هرات محصولي ګمرک د جومات او د دخولي او خروجي دروازو د بیارغونې چارې بشپړې او ګټې اخیستنې ته وسپارلې. د یادې پروژې چارې په څلورو میاشتو کې بشپړې شوي، چې لګښت یې د مالیې وزارت له پراختیایې بودیجې څخه ورکړل شوی او په پلي کېدو سره یې د ګمرک کارکوونکو او مراجعینو ته ګڼې اسانتیاوې برابرې شوي دي. د یادونې وړ ده، چې د ګمرکونو لوی ریاست اوسمهال د هیواد په بېلابېلو ګمرکونو کې ګڼې پراختیایي پروژې پیل کړي، چې د ځینو پروژو چارې پای ته رسېدلي او د ځینو پروژو چارې لا رواني دي.