د هیواد په ۴ ګمرکونو کې د لوړ تناژ اخیستلو انلوګ تلې نصبېږي!

د مالیې وزارت د ګمرکونو لوی ریاست له لوري د هرات، نیمروز، بلخ او آقینې په ګمرکونو کې د (۲۵.۲) میلیونه افغانیو په ارزښت د شپږو پایو لوړ تناژ لرونکو انلوګ تلو د نصبولو چارې روانې دي.
د دغو تلو له جملې څخه دوې پایې د هرات، دوې پایې د بلخ او یوه یوه پایه د نیمروز او آقینې په ګمرکونو کې نصبېږي، چې په فعالېدو سره به یې د سوداګریزو توکو په طی مراحلو کې لا چټکتیا او روڼتیا رامنځته شي او د ملي عوایدو له ضاېع کېدو څخه د مخنیوي ترڅنګ به پر نویو جوړو شویو سړکونو د زیات وزن لرونکو موټرونو مخنیوی هم وشي.
د یادونې وړ ده، چې د یادو تلو ټول لګښت د مالیې وزارت له پراختیایي بودیجې څخه ورکول کېږي، چې رغنیزي چارې به یې په نیږدې راتلوونکي کې بشپړې شي.