د تورخم په ګمرک کې هیواد ته د نظامي تجهیزاتو له راوړلو څخه مخنیوی وشو
8 اسد 1403
د تورخم ګمرک د تشریح برخې کارکوونکو تېره ورځ په یوې وارداتي سوداګریزې محمولې کې بېلابیل ډوله نظامي تجهیزات، چې قاچاق کوونکو غوښتل په پټه یې هیواد ته راوړي کشف او ونیول.
په دې نیول شویو نظامي تجهیزاتو کې (CZ) په نوم یو میل ټوپک، (۷) عدده شاجورونه، درې عدده کرنکوف، دوه عدده کنداغونه، (۹۹) دانې د (M16) مرمۍ او دوه عدده دوربینونه شامل دي. نیول شوي نظامي تجهیزات او تورن کس به د نورو اجرااتو لپاره اړوندو ارګانونو ته ور پیژندل شي.