د ګمرکونو لوی رئیس د پکتیا ولایت د ډنډ پټان ګمرک چارې و ارزولې

د ګمرکونو لوی رئیس الحاج مفتي عبدالمتین سعید، چې د تخنیکي پلاوي په مشرۍ پکتیا ولایت ته تللی، تېره ورځ یې د یاد ولایت د ډنډ پټان ګمرک له مسؤلینو او کارکوونکو سره د لیدنې تر څنګ د دې ګمرک چارې له نږدې څخه و اروزلې. د ګمرکونو لوی رئیس د ډنډ پټان ګمرک له مسؤلینو او کارکوونکو سره په لیدنه کې اړوندو چارو ته د دوی د هڅونې تر څنګ پر خپل وخت سره د سوداګریزو توکو د ګمرکي طی مراحلو د تر سره کولو، سوداګرو ته د لازمو اسانتیاوو د رامنځته کیدو، په چارو کې د پوره همغږۍ او یو شمېر نورو موضوعاتو په اړه اړینې سپارښتنې وکړې. د یادونې وړ ده، چې د ګمرکونو لوی ریاست رهبري او تخنیکي ټیمونه له دې وړاندې هم ولایتي ګمرکونو د روانو چارو د ارزونې په موخه سفرونه کړي، چې دا لړۍ به همداسې دوام ولري.