د هرات ګمرک اداري ناسته جوړه شوه د غویې

د هرات ګمرک اداري ناسته تېره ورځ د یاد ګمرک د رئیس الحاج مولوي محمد حامد احمد په مشرۍ جوړه شوه. په دې ناسته کې، چې د ګمرک د عملیاتي مرستیال تر څنګ د ټولو برخو مسؤلینو ګډون کړې وو، د هرات ګمرک رئیس د ګمرکي طی مراحلو په پروسه کې د اسانتیا او روڼتيا په رامنځته کولو، مراجعينو ته پر اسانتيا او د احتمالي ځنډ پر مخنیوي ټینګار وکړ او په اړه یې د ګډونوالو نظرونه واوریدل شول. همدا راز د ټولو برخو مسؤلینو ته لارښوونه وشوه، چې د ریاست مقام ته د اداري غونډو د پرېکړو د تطبیق په اړه  ډاډ ورکړي او د مراجعینو د زیاتوالي په پام کې نیولو سره، د سوداګریزو شرکتونو استازیو ته توصیه وشي، تر څو د رسمي کاري وخت له پیل سره سم پرته له کوم ځنډ څخه خپلو ګمرکي طی مراحلو ته حاضر شي.