د ګمرکونو لوی ریاست اداري ناسته جوړه شوه
20 ثور 1403
د ګمرکونو لوی ریاست د روان ۱۴۰۳ مالي کال ۳مه اداري ناسته نن د ګمرکونو لوی رئیس الحاج مفتي عبدالمتین سعید په مشرۍ د یاد ریاست په مقام کې جوړه شوه.
په دې ناسته کې، چې د ګمرکونو لوی ریاست تخنیکي او عملیاتي مرستیالانو او رئیسانو ګډون کړې وو، د ګمرکونو لوی ریاست د ورځنیو چارو په لا ښه والي، د هیواد په ګمرکونو کې د صادراتي، وارداتي او ترانزیټي توکو په برخه کې د سوداګرو پر ستونزو او حل لارو، په هیواد کې د سوداګرۍ د لا ودې په موخه په ګمرکونو کې د اسانتیا په رامنځته کیدو او پر یو شمېر نورو موضوعاتو بحث او خبرې وشوې او په اړه یې لازمې پریکړې ونیول شوې.