د بلخ ګمرک اداري ناسته جوړه شوه

د بلخ ګمرک اداري ناسته د یاد ګمرک د رئیس الحاج مولوي محمد عبدالله بلال په مشرۍ د دې ګمرک په ریاست کې جوړه شوه.
په دې ناسته کې، چې د بلخ ګمرک د ټولو برخو مسؤلینو ګډون کړې وو په ورځنیو چارو کې پر شته ستونزو او حل لارو، د چارو په لا روڼتیا، د مراجعینو ستونزو ته پر خپل د رسیدو او یو شمېر نورو اړوندو موضوعاتو باندې بحث او خبرې وشوې.
د بلخ ګمرک رئیس د ټولو برخو مسؤلینو ته سپارښتنه وکړه، چې اړوندو چارو ته جدي پاملرنه وکړي او ټولې چارې په پوره همغږۍ سره تر سره کړي.