د (۳۱.۹) میلیونه افغانیو په ارزښت د نیمروز ګمرک د موټرو د تم ځای جوړیدو چارې پیل شوې

د ګمرکونو لوی ریاست سوداګرو او موټر چلونکو ته د لا اسانتیا رامنځته کولو په موخه د نیمروز په ګمرک کې د (۳۱.۹) میلیونه افغانیو په ارزښت د موټرو د تم ځای جوړیدو چارې پیل کړې.
په دې پرانېست غونډه کې د نیمروز ګمرک د مسؤلینو تر څنګ د یو شمېر سېمه ایزو ادارو مسؤلینو هم ګډون کړې وو.
د نیمروز ګمرک په نوي جوړیدونکي د موټرو په تم ځای کې به په اساسي ډول کانکریټ اچونه وشي، چې چارې به یې تر راتکونکو (۹) میاشتو پورې بشپړې شي. 
د یادونې وړ ده، چې د یادې پروژې بودیجه د مالیې وزارت له پراختیایې بودیجې څخه ورکول کیږي.