د هیواد د سترو ګمرکونو چارې د تېر کال په پرتله ۲۰ سلنه نورې هم مثبتې شوي دي

د ګمرکونو لوی ریاست د اغېزمنو پالیسو د پلي کېدو او د مالیې وزارت د رهبرۍ د ځانګړې پاملرنې په پایله کې د تېر کال سلواغې میاشتې په پرتله د عوایدو راټولېدو، تر سره شوې سوداګرۍ، د وارداتي توکو ګمرکي ارزښت او د سوداګریزو محمولو د شمېر او ثبت شوي وزن په برخو کې د (پکتیا، فراه، هرات، نیمروز، ننګرهار، بلخ، کندز، خوست او کندهار) ګمرکونو چارې په روان مالي کال کي په منځني ډول (۲۰٪) نورې هم مثبتي شوي دي، چې د ګمرکي عوایدو ستره برخه له یادو ګمرکونو څخه ترلاسه کېږي.
د ګمرکونو لوی ریاست رهبري د یادو ګمرکونو د مسؤلینو او کارکوونکو صادقانه کړنې او د دوی تر سره شوي فعالیتونه ستایي او قدردانی یې کوي.