د ګمرکونو او عوایدو معین د مس عینک کان د کیندنې او پروسيس کمپنۍ له سرپرست سره وکتل

 د مالیې وزارت د ګمرکونو او عوایدو معین ملا عبدالقاهر حاجي ادریس په خپل دفتر کې د مس عینک کان د کیندني او پروسيس کمپنۍ له سرپرست لی بن ټاو (Li ben tao) او مل پلاوي سره وکتل. په دې کتنه کې دواړو لوریو د مس عینک کان د کیندنې پر څرنګوالي، په افغانستان کې د یادې کمپنۍ د مالیې په ورکړه، په افغانستان کې د دې کمپنۍ له لوري په جوړېدونکو بنسټونو او یو شمېر ګمرکي مسائلو په تړاو هر اړخیز بحث او خبري وکړې. د ګمرکونو او عوایدو معین له دوی څخه مننه وکړه، چې په افغانستان کې یې پانګونه کړې. نوموړي زیاته کړه، چې اوس مهال په افغانستان کي د پانګونې لپاره ښه زمینه برابره ده او پر وړاندي یې هیڅ ډول ستونزه نسته. د ګمرکونو او عوایدو معین د مس عینک کان د کیندنې او پروسيس کمپنۍ سرپرست ته ډاډ ورکړ، چې د شته ستونزو د حل په برخه کې به له دوی سره پوره همکاري وکړي.