د مرکز او ولایتي ګمرکونو د آرشیف کارکوونکو ته انلاین روزنیز پروګرام جوړ شو!

د بشري سرچینو ریاست له لوري او د ګمرکونو لوی ریاست په همکارۍ د ولایتي او مرکز ګمرکونو د آرشیف کارکوونکو ته انلاین روزنیز پروګرام جوړ شو. په دې پروګرام کې، چې د درېیو ورځو لپاره به د مالیې وزارت په خیبرهال کې دوام وکړي، د اسنادو او اړیکو ریاست کارپوهان به د آرشیف، د آرشیف د ډولونو، د آرشیف د ارزښت، د ادارو لپاره د آرشیف د ګټو په اړه هر اړخیز معلومات وړاندي کړي. د یادونې وړ ده، چې مالیې وزارت تل هڅه کړې، چې په خپلو اړوندو څانګو کې د حضوري او غیر حضوري یا انلاین روزنیزو پروګرامونو په ترسره کولو سره د کارکوونکو د مسلکي پوهې کچه لوړه کړي؛ تر څو هغوی وکولای شي، چې ورسپارل شوي دندې په غوره او اصولي بڼه پرمخ یوسي.