د ګمرکونو لوی رئیس د کندهار ولایت د درملو واردونکو شرکتونو د ټولنې له استازو سره وکتل

 د ګمرکونو لوی رئیس ښاغلی الحاج مفتي عبدالمتین سعید، چې په رسمي سفر کندهار ولایت ته تللی نن یې د یاد ولایت په ګمرک کې د درملو واردونکو شرکتونو د ټولنې له استازو سره وکتل. په دې کتنه کې، چې د ګمرکونو لوی ریاست د تنفیذ قانون رئیس ښاغلي محمد ابراهیم خلیل او د کندهار ګمرک رئیس هم شتون درلود، په پیل کې د یادې ټولنې غړو په ګمرکونو کې د خپلو شته ستونزو یادونه وکړه او د ګمرکونو له لوی رئیس څخه د حل غوښتونکي شول. د ګمرکونو لوی رئیس د دوی ځینو ستونزو د حل لپاره اړوندو مسؤلینو ته لازم هدایات ورکړل او د پاتې ستونزو د ژر حل کیدو ډاډ یې ورکړ.