د پکتیا ګمرک ځیرکو کارکوونکو چاودېدونکي توکي نیولي

 د پکتیا ګمرک د تشرېح برخې ځیرکو او فعالو کارکوونکو د احمد ولي کلیوال پورې اړوند شرکت په یوه کوچني بار وړونکي موټر کې چې بېلابېل سوداګریز توکي یې لېږدول (۳۹۸) قطۍ چاودېدونکي توکي( پټاکۍ) چې په هره قطۍ کې (۱۰۰) دانې موجودې وې کشف او نیولي دي. یاد چاودېدونکي توکي، چې په ډېر مهارت سره ځای پر ځای شوي وو او د شرکت مسؤلینو غوښتل، چې په قاچاقي ډول یې له ګاونډي هیواد څخه افغانستان ته راوړي. په دې تور د موټر چلوونکی نیول شوی او د نورو څېړنو لپاره اړوندو امنیتي ادارو ته سپارل شوی دی.